Argentina millisinin futbolçusu Lionel Messi DÇ-2026-nın seçmə mərhələsində Paraqvay üzərində qələbədən danışıb.
"Operativ Məlumat Mərkəzi-OMM" xəbər verir ki, bu barədə ESPN nəşri məlumat yayıb.
“Meydanda göründüyüm üçün sevindim. Belə gərgin oyunda ehtiyat oyunçular skamyasından çıxmaq asan deyil. Əsas odur ki, qələbə qazana bildik. Komanda xüsusilə görüşün ilk yarısında yaxşı çıxış etdi”.
Qeyd edək ki, Argentina millisi müdafiəçi Nikolas Otamendinin qolu sayəsində 1:0 hesabı ilə qalib gəlib. Argentina millisinin növbəti oyunu Peru millisinə qarşı olacaq. Görüş oktyabrın 18-nə keçən gecə baş tutacaq.
