Magistraturaya qəbul üzrə musiqi sənətinin qabiliyyət imtahanı ilk dəfə canlı yayımlanacaq

Musiqi sənəti istiqaməti üzrə ali təhsil müəssisələrinin magistratura ixtisaslaşmalarına qəbul olmaq üçün iyunun 9-da keçiriləcək qabiliyyət imtahanları ilk dəfə canlı yayımlanacaq.

"Operativ Məlumat Mərkəzi-OMM" xəbər verir ki, Dövlət İmtahan Mərkəzi (DİM) məlumat yayıb.

Bildirilib ki, imtahanlar Bülbül adına Orta İxtisas Musiqi Məktəbində təşkil olunacaq.

Qabiliyyət imtahanları ilk dəfə olaraq DİM-in yutub kanalında canlı yayımlanacaq. Növbəti qabiliyyət imtahanlarında da canlı yayımların təşkil olunması nəzərdə tutulur.

İmtahanlarda iştirak etmək üçün 108 bakalavr qeydiyyatdan keçib. İmtahanlar saat 9:30-da başlanır növbəli şəkildə 18:00-dək davam edəcək.