Alimlər, kimyaterapi alan xərçəng xəstələrində saç tökülməsinin qarşısını almağa yönəlik güclü bir üsulu inkişaf etdirdiklərini açıqlayıblar.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Şeffild Hallam Universitetinin tədqiqatçıları tərəfindən aparılan araşdırma, saç follikullarının qorunmasında əsaslı kəşf kimi qiymətləndirilir.
Yeni üsul hazırda istifadə olunan “soyuducu başlıq” texnikasını güclü antioksidantlarla zənginləşdirilmiş yeni bir losyonla birləşdirir.
Bu, saç kökləri üzərindəki kimyaterapiya toksikliyinə qarşı daha təsirli bir qoruma təmin edir.
Araşdırmada, saç dərisinin 18°C-yə qədər soyudulmasının saç köklərindəki zədələnmənin qarşısını aldığı müəyyən edilib. 26°C-yə qədər olan soyutmanın isə kifayət qədər qoruma təmin etmədiyi bildirilib.
Soyutma prosesi, saç dərisinə gedən qan axınını azaltmaqla, kimyaterapi dərmanlarının saç köklərinə çatmasını məhdudlaşdırır.
