İsrail ordusunun gecə saatlarından etibarən Livanın cənub bölgələrinə endirdiyi hava zərbələri nəticəsində azı 6 nəfər həyatını itirib.
"Operativ Məlumat Mərkəzi-OMM" xəbər verir ki, bununla bağlı Livanın rəsmi xəbər agentliyi "National News Agency" məlumat yayıbş
Bildirilib ki, İsrailə məxsus pilotsuz uçuş aparatı səhər saatlarında cənubdakı Brikaa qəsəbəsində hərəkətdə olan avtomobili hədəfə alıb və hücum nəticəsində 2 nəfər ölüb.
Həmçinin Tul qəsəbəsində yerləşən Sheikh Ragheb Harb Hospital xəstəxanasının ətrafına endirilən PUA zərbəsi zamanı isə suriyalı gənc həlak olub.
Digər İsrail pilotsuz uçuş aparatı Nebatiyə əl-Fevka qəsəbəsini hədəfə alıb, döyüş təyyarələri isə Haruf və Şukin qəsəbələrinə hava zərbələri endirib.
Kefrsir qəsəbəsinə gecə saatlarında təşkil olunan hücumlarda daha 3 nəfərin öldüyü qeyd olunub.
Xatırladaq ki, İsrailin Baş naziri Benyamin Netanyahu orduya Livanın paytaxtı Beyrut ətrafındakı Hizbullah obyektlərinə hava hücumları təşkil etmək barədə göstəriş verib.
