İsrail nümayəndə heyəti Qəzza müzakirələri üçün Qahirəyə gəlib

İsrail nümayəndə heyəti Qəzza zolağında radikalların saxladığı girovlar və atəşkəslə bağlı yeni danışıqlar aparmaq üçün Qahirəyə gəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Saytda yer alan xəbərə görə, İsrail nümayəndə heyətinə Mossad direktoru David Barnea və İsrail Təhlükəsizlik Agentliyinin sədri Ronen Bar rəhbərlik edir.

İyulun sonunda İsrailin baş naziri Benyamin Netanyahunun ofisinin müşaviri Dmitri Gendelman bildirib ki, İsrail Qəzzada bütün girovların qaytarılmasını təmin etmək üçün danışıqlar masasına qayıtmağa hazırdır. İyulun 28-də Mərkəzi Kəşfiyyat İdarəsinin direktoru Uilyam Berns Romada İsrail, Misir və Qətər nümayəndələri ilə görüşərək atəşkəs və Qəzzada girovların azad edilməsi ilə bağlı razılığa gəlib.