Afət Ziyadqızı
Ermənistan-Azərbaycan sərhədinin demarkasiyası ilə bağlı əldə olunan razılaşmalar düzgün istiqamətdə atılan addımdır.
"Operativ Məlumat Mərkəzi-OMM" xəbər verir ki, bu barədə ATƏT-in fəaliyyətdə olan sədri, Maltanın xarici, Avropa işləri və ticarət naziri İan Borq “X” sosial şəbəkəsindəki hesabında qeyd edib.
O, Bakı və İrəvanı iki ölkə xalqlarının mənafeyi naminə sülh danışıqlarının dinamikasını saxlamağa çağırıb.
Xatırladaq ki, Azərbaycan Prezidenti İlham Əliyev mayın 14-də İan Borqun başçılıq etdiyi nümayəndə heyətini qəbul edib.
Ötən gün ATƏT-in fəaliyyətdə olan sədri Ermənistana səfər edib.
