Gürcüstanda atışma törədən şəxs Türkiyəyə qaçarkən saxlanılıb

Ötən gün Gürcüstanın Kutaisi şəhərində odlu silahla insanlara atəş açan şəxs saxlanılıb.

"Operativ Məlumat Mərkəzi-OMM" xəbər verir ki, bu barədə Gürcüstan Daxili İşlər Nazirliyindən bildirilib.

Əvvəllər məhkum edilmiş 1978-ci il təvəllüdlü şəxs Gürcüstan-Türkiyə sərhədindəki “Sarpi” sərhəd-keçid məntəqəsində yaxalanıb.

Faktla bağlı istintaq tədbirləri davam etdirilir. Törədilmiş cinayət əməlinə görə 20 ilədək və ya ömürlük həbs cəzası nəzərdə tutulur.

Qeyd edək ki, hadisə nəticəsində üç nəfər yaralanıb. Onlardan biri xəstəxanada ölüb.