Sumqayıt şəhəri, 22-ci məhəllədə yerləşən Sumqayıt Dövlət Texniki Kollecinin korpusunda baş verən yanğın Fövqəladə Hallar Nazirliyinin (FHN) qüvvələri tərəfindən söndürülüb.
Qurumun mətbuat xidmətindən "Operativ Məlumat Mərkəzi-OMM"-ə verilən məlumata görə, yanğın nəticəsində hər mərtəbəsi 512 kvadratmetr olmaqla ümumi sahəsi 1024 kvadratmetr olan ikimərtəbəli binanın ikinci mərtəbəsində altı otağın yanar konstruksiyaları 200 kvadratmetr sahədə və dam örtüyünün yanar konstruksiyaları yanıb.
Binanın böyük hissəsi, bitişik olan korpusu və yaxınlıqdakı evlər yanğından mühafizə olunub.
Təhlükəsizlik tədbirləri çərçivəsində səkkiz nəfər sakinin təxliyəsi həyata keçirilib.
