Çində bir müddət yoxa çıxandan sonra vəzifəsindən uzaqlaşdırılan müdafiə naziri Li Şanfunun yerinə Hərbi Dəniz Qüvvələri komandanı admiral Donq Jun təyin edilib.
"Operativ Məlumat Mərkəzi-OMM" xəbər verir ki, bu barədə "Sinxua" nəşri məlumat yayıb.
Ümumçin Xalq Nümayəndələri Yığıncağı Mərkəzi Komitəsi bu ay Hərbi Dəniz Qüvvələri Komandanlığını təhvil verən admiral Donqun ölkənin yeni müdafiə naziri olduğunu açıqlayıb.
Xatırladaq ki, Çinin müdafiə naziri Li uzun müddət naməlum səbəbdən ictimai tədbirlərdə iştirak etmədiyi üçün oktyabrın 24-də vəzifəsindən azad edilib. Linin yerinə təyinat olmadığı üçün Müdafiə Nazirliyinin vəzifəsi uzun müddət boş qalıb.
