Afət Ziyadqızı
Çin Xarici İşlər Nazirliyinin sözçüsü Lin Jian BRİKS tarifləri ilə bağlı ABŞ-ın yeni seçilmiş prezidenti Donald Trampın təhdidlərinə baxmayaraq, BRİKS çərçivəsində ölkələrlə əməkdaşlığı gücləndirməyi planlaşdırdıqlarını bildirib.
"Operativ Məlumat Mərkəzi-OMM" xəbər verir ki, bu barədə "RİA Novosti" diplomata istinadən məlumat yayıb.
"Çin müxtəlif sahələrdə ticarət əməkdaşlığı dərinləşdirmək və qlobal iqtisadiyyatın davamlı və sabit artımına daha çox töhfə vermək üçün BRİKS tərəfdaşları ilə işi davam etdirməyə hazırdır", - Jian bildirib.
O, BRİKS-in blok münaqişəsində iştirak etmədiyini və dövlətlər arasında qarşılıqlı faydalı əlaqələri təmsil etdiyini vurğulayıb.
