Avropa İttifaqı Şurasının Prezidenti Antonio Koşta Prezident İlham Əliyevlə Kopenhagendə keçirdiyi görüşlə bağlı “X” hesabında paylaşım edib.
"Operativ Məlumat Mərkəzi-OMM"-in xəbərinə görə, Koşta bildirib ki, Azərbaycan Prezidenti ilə çox məhsuldar müzakirələr aparılıb.
“Bizim Azərbaycan Prezidenti ilə çox məhsuldar müzakirələrimiz oldu. Biz Azərbaycanı Vaşinqtonda Prezident Trampın dəstəyi ilə Ermənistanla əldə olunan tarixi irəliləyişə görə təbrik etdik. Bu, regionda davamlı sülhə doğru vacib bir addımdır.
Biz Azərbaycanı mühüm bir tərəfdaş kimi qiymətləndiririk və əlaqələrimizin möhkəmləndirilməsinə sadiqik. Biz öz Qlobal Keçid strategiyamız vasitəsilə regional nəqliyyat, enerji və rəqəmsallaşmadakı konnektivliyə investisiyalarımıza davam edəcəyik”, - Koşta qeyd edib.
