Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) baş katibi Kayrat Sarıbay martın əvvəlində Bakıya işgüzar səfər edəcək.
"Operativ Məlumat Mərkəzi- OMM" xəbər verir ki, bu barədə Qazaxıstanın Azərbaycandakı səfirliyindən məlumat verilib.
Kayrat Sarıbay bu il martın 2-də keçiriləcək Qoşulmama Hərəkatının Təmas Qrupunun COVID-19-dan sonra qlobal bərpaya həsr olunmuş sammitində iştirak edəcək.
