ABŞ Kanada və Meksika ilə ticarət müharibəsi istəmədiyini bildirib

ABŞ prezidenti Donald Tramp administrasiyası Vaşinqtonun bu ölkələrdən gələn mallara gömrük rüsumları tətbiq etməsinə baxmayaraq, Kanada və Meksika ilə ticarət müharibəsinə girməkdə maraqlı olmadığını bildirib.

"Operativ Məlumat Mərkəzi-OMM" xəbər verir ki, bu fikri CNBC-yə Ağ Evin Milli İqtisadi Şurasının sədri Kevin Hassett izah edib.

"Yaxşı xəbər budur ki, həftəsonu danışıqlarımızda gördüyümüz kimi, meksikalılar prezident Trampın dediklərini yerinə yetirməkdə çox ciddidirlər. Bu, narkotiklərlə mübarizədə daha fəal olmaq deməkdir", - Hassett əlavə edib.

"Görünür, kanadalılar icra sərəncamındakı aydın dili səhv başa düşüblər. Onlar bunu ticarət müharibəsi kimi şərh edirlər", - deyə o qeyd edib.