"Venesuela ABŞ-dən deportasiya edilən vətəndaşlarını qəbul etməsə, ona qarşı daha ağır əlavə sanksiyalar tətbiq edəcəkləri barədə xəbərdarlıq edib.
"Operativ Məlumat Mərkəzi-OMM" xarici KİV-ə istinadən xəbər verir ki, bunu ABŞ dövlət katibi Marko Rubio özünün "X" sosial media hesabında yazıb.
Venesuelanın deportasiya edilən vətəndaşlarını qəbul etməyə borclu olduğunu müdafiə edən Rubio, bu məsələnin müzakirəyə və ya danışıqlara mövzu olmadığını bildirib.
Qeyd edək ki, Venesuela ABŞ-nin fevralın 22-də deportasiya etdiyi qeyri-qanuni immiqrantlardan 177-ni, fevralın 25-də isə 242-ni geri qaytarıb.
