"Əl-Hilal"ın müdafiəçisi Joau Kanselu karyerasını yenidən Avropada davam etdirmək üçün klubuna qarşı sərt addım atıb.
“Operativ Məlumat Mərkəzi-OMM” xəbər verir ki, "Diario Sport" nəşrinin məlumatına görə, 32 yaşlı portuqaliyalı futbolçu Səudiyyə Ərəbistanı klubunun Avstriyada keçirilən mövsümöncəsi təlim-məşq toplanışına qatılmayıb.
Məlumata əsasən, komandanın hazırlıq prosesinə qoşulmayan Kanselu hazırda Portuqaliyadadır. Klub rəhbərliyi futbolçunun bu addımını intizam qaydalarının pozulması kimi qiymətləndirir və onu ciddi maliyyə cəzası gözləyə bilər.
Bildirilib ki, futbolçunun meneceri Jorje Mendeş hazırda "Barselona" ilə danışıqları davam etdirir. Kataloniya klubunun müdafiəçini 10 milyon avrodan aşağı məbləğə transfer etmək istədiyi qeyd olunur.
Qeyd edək ki, Joau Kanselu ötən mövsümün ikinci hissəsini icarə əsasında "Barselona"da keçirib. Portuqaliyalı futbolçu daha əvvəl də karyerasını məhz Kataloniya klubunda davam etdirmək istədiyini və "Əl-Hilal"da çıxış etmək niyyətində olmadığını bildirib.
