Azərbaycanın dağlıq ərazilərinə qar yağıb.
“Operativ Məlumat Mərkəzi-OMM” xəbər verir ki, Milli Hidrometeorologiya Xidmətinin 18 mart saat 10:00-a olan məlumatına əsasən, qarın hündürlüyü Şahdağda 7 sm, Qrızda isə 1 sm qeydə alınıb.
Ölkə ərazisində düşən yağıntının miqdarı bölgələr üzrə fərqlənib. Ən çox yağıntı Şabranda 8 mm və Qəbələdə 7 mm müşahidə olunub. Zaqatala və Sarıbaşda (Qax) 6 mm, Qobustan və Balakəndə 4 mm, Astara və Xaltanda 2 mm yağıntı düşüb.
Digər ərazilərdə – Quba, Qusar, İsmayıllı, Şamaxı, Şəki, Oğuz, Şabran, Yevlax, Göyçay, Kürdəmir, Sabirabad, Naftalan, Yardımlı, Biləsuvar, Lənkəran, eyni zamanda Bakıda və Abşeron yarımadasında yağıntının miqdarı 1 mm-dək qeydə alınıb.
17 martda şimal-qərb küləyi əsib. Küləyin maksimal sürəti Naftalanda 18 m/s, Kəlbəcərdə 17 m/s, Bakıda və Abşeron yarımadasında 15 m/s-dək güclənib.
Hazırda Gəncə, Naftalan, Şəmkir, Sarıbaş (Qax), Zaqatala, Şəki, Şamaxı, Qrız və Lerikdə duman müşahidə olunur, duman səbəbindən görünüş məsafəsi 500 metrədək məhdudlaşır.
