Əvvəlki Ağdam və Füzuli ilə bağlı nostalji, emosional hisslər mövcuddur.
“Operativ Məlumat Mərkəzi-OMM” xəbər verir ki, bunu Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində keçirilən tədbirdə deyib.
Onun sözlərinə görə, azad olunmuş ərazilərin bərpa məsələsinə yanaşma idarəetmə çərçivəsindən başlayaraq layihələrin faktiki icrasına, onların mərhələliliyinə, eləcə də əhalinin geri qaytarılması və məskunlaşdırılması prosesinə qədər bütün sahələri əhatə edirdi.
"Əlbəttə, siz bərpa və yenidənqurma apararkən mütləq əvvəlki standartlara qayıtmalı deyilsiniz. Keçmiş Ağdam və Füzuli ilə bağlı nostalji və emosional hisslər mövcuddur. Amma dünya dəyişir, texnologiya inkişaf edir və biz innovasiya, texnologiya əsaslı inkişaf dövründə yaşayırıq. Buna görə də texnologiyanın təqdim etdiyi ən yaxşı imkanlardan istifadə etməliyik".
