ABŞ-nin müttəfiqləri Hörmüz boğazında gəmiçiliyin bərpasını müzakirə edib.
“Operativ Məlumat Mərkəzi-OMM” bu barədə "Bloomberg" mənbələrinə istinadən xəbər verir.
Məlumatda bildirilir ki, ABŞ-nin 40-dan çox müttəfiqi cümə axşamı günü Vaşinqtonun iştirakı olmadan Hörmüz boğazında gəmiçiliyin bərpası planını müzakirə etmək üçün bir araya gəlib.
Britaniya, Tehranla diplomatik əlaqələri və qlobal enerji təchizatı üçün vacib dəniz yolunun açılmasına razılaşmadığı təqdirdə mümkün sanksiyaları müzakirə etmək üçün Avropa, Yaxın Şərq və Asiyadan, eləcə də Avstraliya və Kanadadan nümayəndələri bir araya gətirib.
Görüşdə İrana qarşı sanksiyaların tətbiqi, eləcə də BMT-nin regiondakı münaqişənin həlli üçün diplomatik səylərə cəlb edilməsi daxil olmaqla, mümkün iqtisadi tədbirlər müzakirə olunub.
