İngiltərənin "Nyukasl" klubunun yarımmüdafiəçisi Sandro Tonali yaxın transfer pəncərəsində İtaliya A Seriyasına qayıtmağı planlaşdırmır.
"Operativ Məlumat Mərkəzi-OMM" xəbər verir ki, bu barədə tanınmış idman insayderi Fabritsio Romano məlumat yayıb.
Mənbənin sözlərinə görə, 25 yaşlı futbolçu karyerasını İngiltərə Premyer Liqasında davam etdirmək istəyir.
O, aparıcı klubların maraq dairəsindədir və daha yüksək səviyyəli bir komandaya keçməkdə qərarlıdır.
Romano əlavə edib ki, italiyalı oyunçunun gələcəyi ilə bağlı yaxın vaxtlarda daha çox xəbər gözlənilir.
Cari mövsüm ərzində Tonali bütün turnirlərdə ümumilikdə 50 matçda iştirak edib. Yarımmüdafiəçi bu görüşlərdə üç qol vurub və komanda yoldaşlarına yeddi məhsuldar ötürmə verib.
Hazırda "Transfermarkt" portalının mütəxəssisləri futbolçunun transfer dəyərini 80 milyon avro olaraq qiymətləndirirlər.
