Fövqəladə Hallar Nazirliyi (FHN) Sumqayıtda ticarət mərkəzində yanğınla bağlı məlumat yayıb.
FHN-dən APA-ya verilən məlumata görə, Nazirliyinin “112” qaynar telefon xəttinə Sumqayıt şəhərinin “Sülh” və “Nərimanov” küçələrinin kəsişməsində yerləşən ticarət mərkəzində yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Havanın küləkli olmasına baxmayaraq, yanğınsöndürənlər tərəfindən görülmüş zəruri və təxirəsalınmaz tədbirlər sayəsində ikimərtəbəli ticarət mərkəzində baş vermiş yanğın genişlənməsinə, o cümlədən yaxınlıqdakı digər obyektlərə keçməsinə imkan verilmədən qısa müddətdə söndürülüb.
***
Sumqayıtda ticarət mərkəzində yanğın başlayıb.
"Operativ Məlumat Mərkəzi-OMM" xəbər verir ki, hadisə "Jalə-94" ticarət mərkəzində qeydə alınıb.
Əraziyə FHN əməkdaşları cəlb edilib.
