Bu gün səhər saatlarından etibarən aidiyyəti qurumların birgə əlaqəli fəaliyyəti nəticəsində Heydər Əliyev prospektində yerləşən “Bağırov” körpüsündə yaranan subasma təhlükəsi aradan qaldırılıb.
"Operativ Məlumat Mərkəzi-OMM" xəbər verir ki, bu barədə Bakı Şəhər İcra Hakimiyyətinin Mətbuat Xidməti məlumat yayıb.
Bildirilib ki, körpüyə aid su nasosları adi rejimdə işləyir, bura əlavə texnika və işçi qüvvəsi cəlb edilib. Məlumata görə, paytaxtda riskli ərazilərdə yerləşən digər körpü və keçidlər də nəzarətdə saxlanılır.
***
Hazırda Bakı şəhərində yağıntılı hava şəraiti davam edir.
"Operativ Məlumat Mərkəzi-OMM" xəbər verir ki, yağış nəticəsində Heydər Əliyev prospektindəki "Bağırov" körpüsündə yenə təhlükəli vəziyyət yaranıb.
Belə ki, körpünün alta yağış suyu yığılıb.
Habelə Sabunçu tunelini də su basıb.
Tunelə giriş bağlanıb.
Qeyd edək ki, oktyabrın 22-də də "Bağırov" körpüsündə və Sabunçu tunelində eyni vəziyyət yaranmışdı.
Ərazidən son görüntüləri təqdim edirik:
