Rusiyadan Ermənistana Azərbaycan ərazisindən istifadə edilməklə növbəti tranzit yük daşınması icra olunub. "Operativ Məlumat Mərkəzi-OMM"-in məlumatına görə, 126 ton karbamid (2 vaqon) və 67 ton un (1 vaqon) "Azərbaycan Dəmir Yolları" QSC-nin Biləcəri stansiyasından yola salınıb.
Yük qatarı Böyük Kəsik stansiyası vasitəsilə Gürcüstan ərazisinə, oradan isə Ermənistana çatdırılacaq. Qeyd edək ki, bu marşrutla indiyədək aşağıdakı həcmdə yüklər daşınıb:
- 28 min tondan çox taxıl;
- 4 min tondan çox gübrə;
- 133 ton alüminium;
- 68 ton qarabaşaq.
Bundan başqa, Azərbaycan üzərindən Ermənistana neft məhsullarının ixracı da həyata keçirilir. İndiyədək bu istiqamətdə 10 min tondan çox dizel, 979 ton Aİ-92 və 2955 ton Aİ-95 markalı benzin nəql olunub.
