Sabah Bakıda və Abşeron yarımadasında hava necə olacaq?
Sabah Bakıda və Abşeron yarımadasında gözlənilən hava şəraiti açıqlanıb: bəzi yerlərdə arabir yağış yağacağı, yarımadanın ayrı-ayrı ərazilərində isə intensiv olacağı gözlənilir. Yağıntıların axşam saatlarında tədricən kəsiləcəyi proqnozlaşdırılır.
Bu barədə “Operativ Məlumat Mərkəzi-OMM”-ə Milli Hidrometeorologiya Xidmətindən məlumat verilib.
Qeyd olunub ki, arabir güclənən şimal-qərb küləyi sabah axşam mülayimləşəcək. Havanın temperaturu gecə 10-12° isti, gündüz 12-16° isti olacaq. Atmosfer təzyiqi 758 mm civə sütunundan 762 mm civə sütununa yüksələcək, nisbi rütubət isə 80-90 % təşkil edəcək.
Azərbaycanın bölgələrində hava şəraiti: Dağlara qar, şimal rayonlarına dolu düşəcək
Azərbaycanın rayonlarında hava şəraitinin bəzi yerlərdə fasilələrlə yağıntılı olacağı, dağlıq ərazilərdə qar yağacağı gözlənilir. Əsasən şimal və şərq rayonlarında yağıntının intensiv olacağı, şimşək çaxacağı və dolu düşəcəyi ehtimalı var. Bəzi yerlərdə arabir duman müşahidə ediləcək, qərb küləyi isə arabir güclənəcək.
Havanın temperaturu gecə 9-13° isti, gündüz 17-22° isti, dağlarda gecə 3-8° isti, gündüz isə 13-18° isti olacaq.
