Azərbaycan Respublikasının Prezidenti İlham Əliyev İtaliya Prezidenti Sercio Mattarellaya İtaliya Respublikasının yaranmasının 80-ci ildönümü münasibətilə təbrik məktubu göndərib. Məktubda İtaliyanın Azərbaycan üçün yaxın dost və etibarlı strateji tərəfdaş olduğu vurğulanıb.
Dövlət başçısı iki ölkə arasındakı münasibətlərin qarşılıqlı hörmət və etimad əsasında inkişaf etdiyini, çoxölçülü strateji tərəfdaşlığın isə daim genişlənərək yeni məzmun qazandığını qeyd edib. Prezident İlham Əliyev Azərbaycanın İtaliya ilə əlaqələrin bütün sahələrdə inkişafına xüsusi önəm verdiyini bildirib.
Məktubda, həmçinin qarşıda duran əsas vəzifələrə də toxunulub:
- İqtisadi əlaqələrin mövcud potensialından tam istifadə edilməsi;
- Sərmayə, müdafiə və humanitar sahələr üzrə əməkdaşlığın şaxələndirilməsi;
- Yeni istiqamətlər üzrə tərəfdaşlığın gücləndirilməsi.
