Suriya paytaxtı Dəməşqdə və onun ətraf ərazilərində səbəbi hələ ki məlum olmayan partlayışlar baş verib.
“Operativ Məlumat Mərkəzi-OMM” BBC-yə istinadən xəbər verir ki, bu barədə ilk məlumatı Suriya dövlət televiziyası yayıb. Telekanal partlayışların birbaşa paytaxtda və ona yaxın rayonlarda qeydə alındığını təsdiqləyib.
Hadisənin dəqiq səbəbləri hələlik məlum deyil. Bununla yanaşı, bildirilib ki, partlayışlar İran raketlərini ələ keçirən İsrailin hava hücumundan müdafiə sistemləri ilə əlaqədar ola bilər.
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb.
Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb.
