"Vətəndaş müqaviləsi" partiyası Nikol Paşinyanı Ermənistanın Baş naziri postuna namizəd irəli sürüb.
“Operativ Məlumat Mərkəzi-OMM” Ermənistan mediasına istinadən xəbər verir ki, qərar partiyanın bu gün keçirilən növbədənkənar qurultayında qəbul edilib.
Qurultay iştirakçıları Paşinyanın namizədliyini yekdilliklə dəstəkləyiblər.
***
Ermənistanın Baş naziri Nikol Paşinyan rəhbərlik etdiyi hakim "Vətəndaş müqaviləsi" partiyasının 8-ci növbədənkənar qurultayının rəsmi gündəliyini elan edib.
“Operativ Məlumat Mərkəzi-OMM” xəbər verir ki, o, bu barədə özünün "Facebook" səhifəsində bildirib.
Məlumata görə, açıq səsverməyə üç əsas məsələ çıxarılacaq:
- Partiyanın seçki siyahısını təsdiqləmək və Ermənistan parlamentinə keçiriləcək seçkilərə (7 iyun 2026-cı il) irəli sürmək;
- İdarə heyətinin sədri Nikol Paşinyanı partiyanın Ermənistanın Baş naziri postuna namizədi kimi təsdiqləmək;
- Ermənistan parlamentinə keçiriləcək seçkilər üçün partiyanın seçkiqabağı proqramını təsdiq etmək.
İclasın əvvəlində, həmçinin açıq səsvermə yolu ilə qurultayın sədrinin və katiblərinin seçilməsi planlaşdırılır.
