NASA rəsmilərinin verdiyi məlumata görə, "Artemis 2" missiyasının çərşənbə günü (1 aprel) start götürməsi hədəflənir.
"Operativ Məlumat Mərkəzi-OMM"-in xəbərinə görə, kosmik agentlikdən bildirilib ki, buraxılış pəncərəsi Qrinviç vaxtı ilə 23:24-də açılacaq.
Gecikmələr olarsa, proses aprelin 6-dək təxirə salına bilər.
Bu, NASA-nın "Artemis" proqramı çərçivəsində həyata keçirilən ilk insanlı uçuş olacaq.
Onlar "Orion" kosmik gəmisi ilə səyahət edəcəklər. "Artemis 2" Ayın orbitinə daxil olmayacaq, əvəzində səkkiz rəqəmi formasında trayektoriya cızaraq Yerə qayıdacaq.
Hazırlıqlar davam edərkən heç bir texniki problemin olmadığı bildirilir.
NASA rəsmisi Lori Qleyz qeyd edib ki, bütün uçuş və yerüstü sistemlər, eləcə də komanda tam hazırdır. Buraxılışı gecikdirə biləcək əsas amil hava şəraitidir.
Qeyd edək ki, bu missiya 2022-ci ilin noyabrında baş tutan və insansız həyata keçirilən "Artemis 1" uçuşunun uğurundan sonra reallaşır. Gələcəkdə isə "Artemis 3" və nəhayət, Ay səthinə enişi nəzərdə tutan "Artemis 4" missiyaları planlaşdırılır.
