Misir millisinin və İngiltərənin “Liverpul” klubunun sabiq hücumçusu Məhəmməd Salah karyerasını Türkiyə Superliqasında davam etdirə bilər.
“Operativ Məlumat Mərkəzi-OMM” xəbər verir ki, bu barədə insayder Kaya Temel məlumat yayıb.
Məlumata görə, hazırda sərbəst agent statusunda olan 34 yaşlı futbolçu ilə İstanbulun “Beşiktaş” klubu yaxından maraqlanır. Bildirilir ki, Salahın agenti artıq İstanbuldadır və tərəflər arasında mümkün transferlə bağlı ilkin danışıqlar aparılır. Transferin reallaşması istiqamətində rəsmi addımların yaxın günlərdə atılacağı gözlənilir.
Qeyd edək ki, Məhəmməd Salah 2025/2026 mövsümünün sonunda “Liverpul”la yollarını ayırıb. O, ötən mövsüm İngiltərə təmsilçisinin heyətində 41 oyunda meydana çıxaraq 12 qol vurub və 10 məhsuldar ötürmə ilə yadda qalıb. “Transfermarkt” portalı təcrübəli hücumçunun bazar dəyərini 22 milyon avro olaraq qiymətləndirir.
