"Bakı Metropoliteni" QSC Novruz və Ramazan bayramları ilə əlaqədar gücləndirilmiş iş rejiminə keçir.
Bu barədə “Operativ Məlumat Mərkəzi-OMM”-ə səhmdar cəmiyyətindən bildirilib. Məlumata əsasən, bayram günlərində ehtiyat qatarlar xəttə buraxılması üçün hazır vəziyyətdə saxlanılacaq.
Qeyd edilib ki, Bakı metrosunda bayramlarla əlaqədar intervallarda dəyişiklik ediləcək. "28 May-Əhmədli" istiqamətində qatarların hərəkət intervalı aşağıdakı kimi olacaq:
- 20-21, 25-28 və 30 mart tarixlərində: 2,5 dəqiqə
- 22-24 və 29 mart tarixlərində: 3 dəqiqəyədək
Digər sahələr üzrə (20-31 mart) isə intervallar belə təşkil edəcək:
- "Həzi Aslanov-Əhmədli" istiqamətində: 7 dəqiqə
- "Avtovağzal-8 Noyabr" istiqamətində: 7 dəqiqə
- "Avtovağzal-Xocəsən" istiqamətində: 14 dəqiqə
Həmçinin vurğulanıb ki, sərnişin təhlükəsizliyi üçün nəzarət tədbirləri gücləndiriləcək.
