"Azərbaycan Avropa İttifaqı ilə tərəfdaşlığı daha da gücləndirməyə sadiqdir".
“Operativ Məlumat Mərkəzi-OMM” xəbər verir ki, bunu Azərbaycan xarici işlər naziri Ceyhun Bayramov “X” hesabında Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyası sədrinin müavini Kaya Kallasla görüşü barədə paylaşımında qeyd edib.
Nazir görüşün məhsuldar keçdiyini bildirib: “Avropa İttifaqı ilə tərəfdaşlığımızı praktik və nəticəyönümlü əməkdaşlıq vasitəsilə daha da gücləndirməyə sadiq qalırıq”.
