Afət Ziyadqızı
İranın Birləşmiş Millətlər Təşkilatındakı (BMT) Daimi Nümayəndəliyi Tehranın ABŞ seçkilərinə müdaxilə etməsi ilə bağlı dəfələrlə səsləndirilən iddialara reaksiya verib və Vaşinqton administrasiyasından iddialarla bağlı sənədləri təqdim etməsini istəyib.
"Operativ Məlumat Mərkəzi-OMM" İran Xəbər Agentliyinə (İSNA) istinadən xəbər verir ki, məsələ ilə bağlı nümayəndəlikdən yazılı açıqlama verilib.
Bəyanatda deyilir: "Daha əvvəl də qeyd etdiyimiz kimi, İranın ABŞ-dakı prezident seçkilərinə müdaxilə etmək niyyəti və ya fikri yoxdur. Əgər ABŞ hökuməti iddiasında haqlıdırsa, sənədlərini bizə təqdim etməlidir ki, onlar bizim cavabımızı ala bilsinlər".
Sözügedən iddiaların “əsassız” olduğu qeyd edilib.
Bu yaxınlarda ABŞ-da prezident seçkilərində Respublikaçı namizəd Donald Trampın komandası İranı onların kampaniyasına kiberhücum etməkdə ittiham edib. Bundan sonra da oxşar ittiham təkrarlanıb.
