İtaliyanın "Roma" klubu yay transfer pəncərəsində heyətində irimiqyaslı dəyişikliklər etməyi planlaşdırır.
"Operativ Məlumat Mərkəzi-OMM" "La Gazzetta dello Sport" nəşrinə istinadən xəbər verir ki, komandanın baş məşqçisi Can Pyero Qasperini yaxın vaxtlarda mühüm qərarlar qəbul edə bilər.
Klubun əsas özəyinin qorunacağı gözlənilsə də, bəzi futbolçuların gələcəyi sual altındadır. Artıq bir neçə oyunçunun, o cümlədən Ştefan Əl-Şaaravi, Kostas Tsimikas və Evan Ferqyusonun komandanı tərk edəcəyi planlaşdırılır.
Nəşr xüsusilə vurğulayır ki, ukraynalı hücumçu Artyom Dovbik də Qasperinini öz oyunu ilə inandıra bilmədiyi üçün paytaxt təmsilçisindən gedə bilər. Bundan əlavə, aşağıdakı futbolçuların da maliyyə səbəblərindən satılması istisna edilmir:
- Anxelinyo
- Evan Ndika
- Manu Kone
"Football Italia" portalının yazdığına görə, yay ayları "Roma" üçün böyük dəyişikliklər dövrü olacaq və Qasperininin rəhbərliyi altında klubun inkişaf istiqaməti dəqiq müəyyənləşəcək.
