"Formula 1" komandasının direktoru: "Bakı bolidimizin imkanlarına uyğun trekdir"

"Düşünürəm ki, Bakı bizim bolidimizin imkanlarına uyğun trekdir".

"Operativ Məlumat Mərkəzi-OMM" xəbər verir ki, bunu "Formula 1" üzrə dünya çempionatında çıxış edən "Williams" komandasının direktoru Ceyms Voulz yarışın rəsmi saytına açıqlamasında deyib.

44 yaşlı funksioner indiyədək Azərbaycan Qran-prisinin hər birində xallar uğrunda mübarizə apardıqlarını bildirib: "Sadəcə, əvvəlki yarışlardan hər şeyi öyrəndiyimizə əmin olmalıyıq. Qarşıdakı həftəsonunda əlimizdən gələnin ən yaxşısını edəcəyik".

Qeyd edək ki, Azərbaycan Qran-prisi 28-30 apreldə baş tutacaq.