Türkiyə-İran münasibətləri gələcəkdə daha yaxşı olacaq.

"Operativ Məlumat Mərkəzi-OMM" xəbər verir ki, bunu Türkiyə Prezidenti Rəcəb Tayyib Ərdoğan Almaniyadan qayıdarkən verdiyi açıqlamada deyib.

O, bildirib ki, regionda İranla ən yaxşı əlaqələrə malik ölkə Türkiyədir:

"Bu yaxınlarda İranda seçki oldu və Azərbaycan əsilli türk prezident seçildi. Yeni prezident Məsud Pezeşkiyan türk kimliyini gizlətməyən biridir. Məsələn, Təbrizdə türkcə danışır. Amma kürd bölgələrinə gedəndə orada kürdcə danışa bilir. O, həm də fars dilini gözəl bilir. İran bizim tarixi və mədəni əlaqələrimiz olan mühüm qonşudur. Yeni dövrdə Türkiyə-İran ikitərəfli əlaqələrinin artan templə müsbət istiqamətdə inkişaf edəcəyini gözləyirəm".

İranın xarici işlər naziri Abbas Ərakçi Livan hakimiyyəti ilə danışıqlar aparmaq üçün bu ölkədə səfərdədir.

 "Operativ Məlumat Mərkəzi-OMM" TASS-a istinadən xəbər verir ki, bu barədə İran Xarici İşlər Nazirliyinin (XİN) sözçüsü İsmayıl Baqai "X" səhifəsində bildirib.

O qeyd edib ki, Abbas Ərakçinin başçılıq etdiyi nümayəndə heyətinə İran parlamentinin iki deputatı və Qızıl Aypara Cəmiyyətinin başçısı daxildir.

Əfqanıstanın xarici işlər naziri vəzifəsini icra edən Əmir Xan Müttəqinin rəhbərlik etdiyi "Taliban" nümayəndə heyəti Əfqanıstan məsələləri üzrə “Moskva formatı” məsləhətləşmələri üçün Moskvaya səfər edib.

 "Operativ Məlumat Mərkəzi-OMM" xəbər verir ki, bu barədə Rusiya KİV-i məlumat yayıb.

Məsləhətləşmələr zamanı iştirakçılar region dövlətləri ilə Kabil arasında siyasi, iqtisadi, terrorla və narkotiklərlə mübarizə sahələrində qarşılıqlı əlaqələrin genişləndirilməsi ilə bağlı məsələləri müzakirə edəcəklər.

Qeyd edək ki, format 2017-ci ilin aprelində yaradılıb, orada 10 ölkə - Rusiya, Hindistan, İran, Qazaxıstan, Qırğızıstan, Çin, Pakistan, Tacikistan, Türkmənistan, Özbəkistan iştirak edir.

Türkiyənin Van vilayətindəki bəzi bölgələr müvəqqəti xüsusi mühafizə zonası elan edilib.

 "Operativ Məlumat Mərkəzi-OMM" Türkiyə KİV-ə istinadən xəbər verir ki, bu barədə vilayətin icra orqanından bildirilib.

Qeyd edilib ki, Başkelə rayonundakı Karsız Tepe, Kanlı Geçit Sırtı, Beyazpur Tepe, Sivri Tepe, Avcılar Tepe, Sivritaş Tepe, Tozlu Sırtı, Art Tepe, Uçdere, Bedi Sırtı əraziləri bu gündən etibarən 15 gün ərzində müvəqqəti xüsusi mühafizə zonası olacaq.

Qərarın məqsədi milli təhlükəsizliyin, ictimai asayişin qorunmasıdır.

Qərb ölkələri Ermənistanın KTMT-dən çıxmasını istəyir ki, bu da İrəvanı Azərbaycanla gələcək qarşılıqlı fəaliyyətdə NATO ölkələrindən daha da asılı vəziyyətə salacaq.

"Operativ Məlumat Mərkəzi-OMM" xəbər verir ki, bunu FTX-nin direktoru Aleksandr Bortnikov MDB-yə üzv dövlətlərin Təhlükəsizlik Orqanları və Xüsusi Xidmətləri Rəhbərləri (SORB) Şurasının iclasında deyib.

Onun sözlərinə görə, Qərb Ermənistanı Azərbaycanla danışıqları təxirə salmağa və regiona öz qoşunlarının yerləşdirilməsini təmin etməyə inandırmaqla münaqişənin həlli prosesinə rəhbərlik etmək məqsədi daşıyır.

“Eyni zamanda, Qərb Ermənistan hökumətindən imtiyazlı silah tədarükü və təhlükəsizlik zəmanəti müqabilində KTMT-dən çıxmağı tələb edir ki, bu da İrəvanı Bakı ilə gələcək münasibətlərində Şimali Atlantika Alyansından daha da asılı vəziyyətə salacaq”, - deyə Bortnikov bildirib.

“Dünyanın müxtəlif yerlərində NATO-nun vasitəçiliyi” üzrə əvvəlki təcrübəsini xatırladan FTX direktoru qeyd edib ki, Şimali Atlantika Alyansının Zaqafqaziyada konsolidasiyası sabitliyə gətirib çıxarmayacaq.

Türkiyənin Konya vilayətində 4,3 maqnitudada zəlzələ baş verib.

 "Operativ Məlumat Mərkəzi-OMM" xəbər verir ki, bu barədə “A Haber” məlumat yayıb.

Bildirilib ki, təbii fəlakət ətraf ərazilərdə də hiss edilib.

Zəlzələnin fəsadları barədə hələ ki məlumat yoxdur.