Azərbaycan erməni əhalinin yaşadığı bölgənin təchizatında heç bir müdaxilə etmir.
"Operativ Məlumat Mərkəzi-OMM" xəbər verir ki , bu sözləri Azərbaycan Respublikası xarici işlər nazirinin müavini Elnur Məmmədov fevralın 23-də keçirilən mətbuat konfransında söyləyib.
"Ermənistan tərəfindən qaldırılan ikinci vəsatət güya Azərbaycan höküməti tərəfindən Qarabağ bölgəsində yaşayan və Azərbaycan vətəndaşlığı olan erməni əsilli şəxslərin bu və ya digər ehtiyaclarının ödənilməməsi ilə bağlı konkret olaraq həmin ərazinin təbii qazla, elektrik enerjisi ilə təchizatı, sonradan hətta fiberoptik internet təchizatı ilə bağlı qəsdən, qərəzli şəkildə hansısa müdaxilələrin edilməsi və bununla da həmin ərazilərdə yaşayan əhalinin hüquqlarının pozulması ilə bağlıdır.
