"Real Madrid"in baş məşqçisi Karlo Ançelotti yarımmüdafiəçi Arda Gülerin La Liqanın 26-cı turunun "Sevilya"ya qarşı duelində niyə meydana çıxmadığını açıqlayıb.
"Operativ Məlumat Mərkəzi-OMM" xəbər verir ki, baş məşqçi bununla bağlı matçdan sonra jurnalistlərə açıqlama verib.
"Güleri Modriçin qolundan əvvəl meydana buraxmaq istəyirdim. Ancaq Luka qol vurduqdan sonra fikrimi dəyişdim. Arda, məncə, hər şeyi başa düşdü".
Qeyd edək ki, görüş "kral" klubunun 1:0 hesablı qələbəsi ilə başa çatıb. Yeganə qolu 81-ci dəqiqədə Luka Modriç vurub.
Bu turdan sonra "Real" 65 xal toplayıb və turnir cədvəlində liderdir. Kral klubu ən yaxın rəqibini səkkiz xal qabaqlayır.