ABŞ ordusu İran tərəfindən həyata keçirilən təxribat cəhdlərinə cavab olaraq həyata keçirdiyi son hərbi əməliyyatların təfərrüatlarını açıqlayıb.
"Operativ Məlumat Mərkəzi-OMM" xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.
Məlumatda, Hörmüz boğazı yaxınlığında dənizə mina döşədiyi iddia edilən 16 hərbi dəniz elementi də daxil olmaqla, İrana məxsus çox sayda gəminin sıradan çıxarıldığı bildirilib.
Məsələ ilə bağlı açıqlama verən ABŞ Prezidenti Donald Tramp İranın bölgədəki fəaliyyətlərinə toxunaraq aşağıdakı fikirləri səsləndirib:
"Son bir neçə saat ərzində mina döşəyən 10 ədəd kateri və ya gəmini məhv etdik".
Qeyd edək ki, Hörmüz boğazında gəmilərə qarşı hücum şübhələri ilə bağlı Böyük Britaniya tərəfi də xəbərdarlıq yayıb. Hazırda regionda gərginlik yüksək həddə çatmışdır.
