Yaponiyada qasırğa səbəbindən yüzlərlə aviareys ləğv ediləcək

Yaponiyada “Ampil” qasırğası səbəbindən 500-ə yaxın daxili reys ləğv ediləcək.

"Operativ Məlumat Mərkəzi-OMM" xəbər verir ki, TASS məlumat yayıb.

"Japan Airlines" (JAL) 191 reysin məcburi ləğv edildiyini açıqlayıb.

Ən böyük yerli aviaşirkət "All Nippon Airways" (ANA) ən azı 280 reysini ləğv edib.

“Japan Railways” (JR) dəmir yolu şirkətləri qrupu Yaponiyanın şərq və şimal-şərqində bəzi xətlərdə yüksək sürətli “Şinkansen” qatarlarının hərəkətini müvəqqəti dayandırmaq imkanını istisna etməyib.

Meteoroloqlar avqustun 16-da səhər saatlarında paytaxt rayonuna qasırğanın yaxınlaşdığını bildiriblər.

Yaxın bir neçə gün ərzində ölkənin şimal-şərqinə 200-300 mm yağıntı düşə bilər. Milli Meteorologiya İdarəsi dağlıq ərazilərdə sürüşmə ehtimalı ilə bağlı xəbərdarlıq edib.