"Qalatasaray"ın və Nigeriya millisinin hücumçusu Viktor Osimhen "Napoli"yə qayıtmayacaq.
"Operativ Məlumat Mərkəzi-OMM" xarici KİV-ə istinadən xəbər verir ki, futbolçu karyerasını davam etdirmək üçün yeni klub axtarır.
Osimhenin "Əl-Hilal"la müqavilə imzalamaq istədiyi bildirilir.
Ər-Riyad klubu artıq nigeriyalı ilə danışıqlar aparır.
Xatırladaq ki, Osimhenin "Napoli" ilə müqaviləsi 2026-cı ilin iyun ayına qədərdir. Bu mövsüm "Qalatasaray"da icarə əsasında çıxış edən 26 yaşlı forvard bütün turnirlərdə 40 matça çıxıb, 36 qol vurub və 8 məhsuldar ötürmə verib.
