Hollivud ulduzu Cina Roulends 94 yaşında vəfat edib.
"Operativ Məlumat Mərkəzi-OMM" Deadline-ə istinadən xəbər verir ki, aktrisa daha çox oğlu Nik Kassavetisin filmlərində, xüsusilə “The Notebook” melodramındakı obrazı ilə tanınıb.
Aktrisa 1958-ci ildə "Məhəbbətin yüksək qiyməti" filmində baş rolda oynayaraq kinoda debüt etmişdi.
Roulends 4 "Emmi" mükafatının və 2 "Qızıl Qlobus" mükafatının qalibidir. O, əri Con Kassavetis ilə birlikdə rol aldığı "Təsir altında olan qadın" (1974) və "Qloriya" (1980) filmlərindəki rollarına görə iki dəfə "Ən yaxşı qadın rolu" nominasiyasında "Oskar" mükafatına namizəd olub.
Roulends 2015-ci ildə aktyorluqdan ayrılıb və elə həmin il ona fəxri "Oskar" mükafatı verilib.
Onun son illərdə Alzheimer xəstəliyindən əziyyət çəkdiyi açıqlanıb.
