Bakıda təşkil olunan Ümumdünya Şəhərsalma Forumunun 13-cü sessiyası (WUF13) geniş beynəlxalq marağa səbəb olub. Tədbiri 1000-dən artıq media nümayəndəsi işıqlandırıb.
“Operativ Məlumat Mərkəzi-OMM” xəbər verir ki, bu barədə forumun bağlanış mərasimində Dövlət Şəhərsalma və Arxitektura Komitəsinin sədri və WUF13-ün milli koordinatoru Anar Quliyev məlumat verib.
Anar Quliyev qeyd edib ki, yüksək media əhatəsi dayanıqlı urbanizasiya və beynəlxalq əməkdaşlıq mövzularının qlobal miqyasda təşviqinə mühüm töhfə verib. Onun sözlərinə görə, forumun gedişatı dünyanın müxtəlif ölkələrindəki geniş auditoriyaya çatdırılıb.
