İran hakimiyyəti İsrailə casusluq etməkdə ittiham olunan bir nəfəri edam edib. Bu barədə İslam İnqilabı Keşikçiləri Korpusuna (SEPAH) yaxınlığı ilə tanınan "Tasnim News Agency" məlumat yayıb.
Məlumata əsasən, Qulamrza Xani Şekarab adlı şəxs barəsində çıxarılan ölüm hökmü İranın Ali Məhkəməsi tərəfindən təsdiqləndikdən sonra icra olunub. Rəsmi açıqlamada həmin şəxsin İsrailin xeyrinə casusluq fəaliyyəti göstərdiyi iddiası ilə mühakimə olunduğu qeyd edilib.
