Afət Ziyadqızı
Taylandın Nakon Ratçasima şəhərində tikilməkdə olan tunel çöküb.
"Operativ Məlumat Mərkəzi-OMM" xəbər verir ki, bu barədə "Bangkok Post” qəzeti məlumat yayıb.
Çökmənin tunelin girişindən 1,6 kilometr aralıda başladığını və işçilərin 600 metr aralıda sıxışıb qaldığı bildirilir.
Səlahiyyətlilər komandaların tunelin çökmüş hissəsindən yol açmaq və işçilərə çatmaq üçün zamana qarşı yarışdıqlarını, oksigen təmin etmək üçün işçilərə xilasetmə borusu çatdırılmağa çalışıldığını qeyd ediblər.
Nümayəmdələr torpaq və qayaların tunelə düşməsinin davam etdiyini, hadisə yerində daha bir çökmənin qarşısını almaq üçün tunelin divarlarının möhkəmləndirildiyini vurğulayıb.
Səlahiyyətlilər 3 işçinin tuneldə sıxışıb qaldığını açıqlayıb.
