"Çelsi"nin yarımmüdafiəçisi Karni Çukvuemeka İtaliyaya keçə bilər.
"Operativ Məlumat Mərkəzi-OMM" "Calciomercato"ya istinadən xəbər verir ki, "Milan" futbolçunu heyətinə qatmaq istəyir.
Qeyd olunub ki, söhbət istedadlı yarımmüdafiəçini almaq hüququnun da daxil olacağı 6 aylıq icarədən gedir.
21 yaşlı ingilis bu mövsüm "Çelsi"nin cəmi 4 matçında iştirak etsə də, qol vura bilməyib.
Çukvuemekanın London klubu ilə müqaviləsi 30 iyun 2028-ci ilə qədərdir və onun transfer qiyməti 15 milyon avro olaraq qiymətləndirilir.
