Assosiasiyaya üzv ölkələrin Xarici İşlər Nazirləri Şurasının (XİNŞ) iclasında Ermənistanın KTMT-dən çıxması proseduru müzakirə olunmayıb, çünki Ermənistan təşkilatdan mümkün çıxma ilə bağlı sənədlər təqdim etməyib.
"Operativ Məlumat Mərkəzi-OMM" xəbər verir ki, bu barədə Rusiyanın xarici işlər naziri Sergey Lavrov bildirib.
Lavrov qeyd edib ki, belə bir addımın mümkün nəticələri müzakirə olunmayıb.
“Bəli, bugünkü görüşdə erməni nazir yox idi, amma Ermənistandan heç bir sənəd, nə də baş verməyən hadisələrin nəticələrinin müzakirəsini tələb edəcək rəsmi addım yox idi”, - diplomat əlavə edib.
