Əli Məmmədli
Bu il Belarus ərazisində KTMT-nin üç təliminin keçirilməsi planlaşdırılır.
"Operativ Məlumat Mərkəzi- OMM" Belarusun rəsmi "BelTA" agentliyinə istinadən xəbər verir ki, bunu jurnalistlərə Minskdə səfərdə olan Kollektiv Təhlükəsizlik Müqaviləsi Təşkilatının baş katibi İmanqali Tasmaqambetov bildirib.
O qeyd edib ki, “Qarşılıqlı fəaliyyət”, “Eşelon” və “Axtarış” adlanan təlimlər 2023-cü il ərzində həyata keçiriləcək.
Tasmaqambetov təlimlərin dəqiq tarixi barədə məlumat verməyib.
Qeyd edək ki, KTMT-yə üzv kimi Rusiya, Belarus, Ermənistan, Qazaxıstan, Qırğızıstan və Tacikistan daxildir.
