Livan ordusunun bölmələri atəşkəs razılaşmasına uyğun olaraq İsrail qoşunlarının geri çəkildiyi ölkənin cənub bölgələrinə daxil olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Livan ordusu Cənubi Livanın mərkəzi və şərq hissəsinə - Mhaibib, Meys əl-Cəbəl, Blida, Hula və Markaba daxil olub.
Öz növbəsində İsrail televiziya və radio şirkəti İsrail ordusunun beş nöqtə istisna olmaqla, Livanın cənubundan qoşunlarını çıxardığını təsdiqləyib.
İsrail bundan əvvəl öz qoşunlarının qeyri-müəyyən müddətə qalacaqları beş strateji nöqtə istisna olmaqla, Livan ərazisindən çəkiləcəyini açıqlamışdı.
