Polşa Belarusla sərhəddə bir çox keçid məntəqəsini bağlaya bilər.
"Operativ Məlumat Mərkəzi - OMM" xəbər verir ki, bunu Polşanın Baş naziri Mateuş Moravietski Avropa İttifaqı (Aİ) sammitinin yekunlarına dair mətbuat konfransında deyib.
“Biz Belarusla sərhəddə digər keçid məntəqələrinin bağlanacağını istisna etmirik”, - Moravietski qeyd edib.
Baş nazir bunu onunla izah edib ki, Belarusla münasibətlərdə gərginlik artır və bu ölkə Rusiya və Kreml üçün alət rolunu oynayır.
Xatırladaq ki, Polşa bu gün Belarusla sərhəddəki Bobrovniki keçid məntəqəsini bağlayıb və Polşa hökuməti bu addımı Belarus ərazisində həbs edilən polşalı jurnalist Ancey Poçobuta barədə çıxarılan məhkəmə hökmünə cavab adlandırıb.
