Ötən gün axşam saatlarından başlayaraq şimal bölgəsində hava şəraiti kəskin pisləşib. Regiona qar yağmağa başlayıb.
"Operativ Məlumat Mərkəzi - OMM"-yə şimal bürosunun verdiyi məlumata görə, Qubanın rayon mərkəzində qarın hündürlüyü 2 sm, Xaltan 16 sm, Xınalıq 12 sm və Qrız kəndlərində 12 sm olub.
Xızının Altıağac qəsəbəsində 13 sm, Qusarın rayon mərkəzində isə 1 sm, Ləzə kəndində isə 12 sm qar müşahidə olunub.
Şabran və Xaçmazda qarın hündürlüyü 1 sm-ə çatır.
Ən aşağı temperatur Qubanın Qrız kəndində qeydə alınıb. Burda havanın temperaturu mənfi 15 dərəcəyədək enib.
