Portuqaliya milli komandası 2026-cı il dünya çempionatı üçün heyətini açıqlayıb.
“Operativ Məlumat Mərkəzi-OMM”xəbər verir ki, bu barədə “Championat” nəşri məlumat yayıb.
Məlumata görə, Kriştiano Ronaldo da yığmanın heyətinə daxil edilib. Qarşıdan gələn mundial futbol ulduzunun karyerasında altıncı dünya çempionatı olacaq.
Qrup mərhələsində Portuqaliya millisi DR Konqo, Özbəkistan və Kolumbiya ilə qarşılaşacaq.
Bildirilir ki, 2026-cı il dünya çempionatı tarixdə ilk dəfə 48 komandanın iştirakı ilə keçiriləcək.
Bəzi media orqanları İranın ABŞ və İsraillə yaşadığı gərginlik səbəbindən mundialdan kənarda qala biləcəyini və bunun Rusiyanın turnirə vəsiqə şansını artıra biləcəyini iddia etmişdi. Lakin daha sonra İran tərəfi oyunların ABŞ-dən Meksikaya keçirilməsi ilə bağlı FIFA ilə danışıqlara başlayıb.
Mayın 18-də İran Xarici İşlər Nazirliyinin sözçüsü İsmayıl Bəqayi FIFA-nın İran millisinin dünya çempionatında iştirakına təminat verdiyini açıqlayıb.
